ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អ៊ុយក្រែនបន្តបណ្តេញថ្នាក់ដឹកនាំជាន់ខ្ពស់ ខណៈប្រធានាធិបតីថានេះជាការបោសសម្អាតក្បាលម៉ាស៊ីនរដ្ឋាភិបាល

  • ចុះផ្សាយថ្ងៃទី១២ ខែកុម្ភៈ ឆ្នាំ២០២៣ ម៉ោង ១៤:៤៧ នាទី ដោយ Mesa
  • 2195
  Aa |   aA

អ៊ុយក្រែន៖ លោកប្រធានាធិបតី Volodymyr Zelenskyy នៅថ្ងៃសៅរ៍ម្សិលមិញនេះ បានបញ្ចេញនូវអនុក្រឹត្យមួយបណ្តេញឥស្សរជនជាន់ខ្ពស់ទទួលបន្ទុកផ្នែកសន្តិសុខម្នាក់ ហើយលោកបាននិយាយដាច់ដោយឡែកថា ការជំរុញរបស់គាត់ក្នុងការបោសសម្អាតក្បាលម៉ាស៊ីនដឹកនាំរដ្ឋាភិបាលនឹងនៅបន្ត។

អាជ្ញាធរបានបណ្តេញមន្ត្រីរាប់សិបនាក់ក្នុងប៉ុន្មានសប្តាហ៍ថ្មីៗនេះ ហើយបានបើកការស៊ើបអង្កេតជាផ្នែកមួយនៃការជំរុញយ៉ាងទូលំទូលាយប្រឆាំងនឹងការប្រព្រឹត្តខុសឆ្គងរបស់់មន្រ្តីនានា។ សហភាព​អឺរ៉ុប​និយាយ​ថា ការ​ដោះស្រាយបញ្ហា​អំពើ​ពុករលួយ ​គឺជា​លក្ខខណ្ឌដែល​តម្រូវ​សម្រាប់​អ៊ុយក្រែន​ក្នុង​ការ​ចូល​រួម​ជាសមាជិកក្នុង​ប្លុកសហភាពអឺរ៉ុប​ដែល​មាន​សមាជិក​២៧​ប្រទេស។

គួរបញ្ជាក់ថា លោក Zelenskyy បានបណ្តេញលោក Ruslan Dziuba ចេញពីតំណែងជាមេបញ្ជាការរងនៃកងកម្លាំងឆ្មាំជាតិ នេះបើយោងតាមក្រឹត្យខ្លីមួយដែលចេញដោយការិយាល័យប្រធានាធិបតី។ យ៉ាងណាមិញ ការប្រកាសបណ្តេញមន្រ្តីជាន់ខ្ពស់នេះមិនត្រូវបានបញ្ជាក់ពីហេតុផលច្បាស់លាស់ណាមួយទេ។ លោក Zelenskyy ថ្មីៗនេះបានសង្កត់ធ្ងន់ជុំវិញការបោសសម្អាតក្បាលម៉ាស៊ីនដឹកនាំរដ្ឋាភិបាល ជាពិសេសទៅលើវិស័យការពារជាតិអំឡុងពេលដែលប្រទេសកំពុងញាំញីទៅដោយសង្គ្រាម និងការឈ្លានពានពីប្រទេសរុស្សី។ 

ទំនងជាសំដៅលើការបង្រ្កាបនោះ លោកប្រធានាធិបតីបានមានប្រសាសន៍ថា៖ "សកម្មភាពទាំងអស់នេះ មិនមែនគ្រាន់តែធ្វើមួយភ្លែតៗ ឬជាប់ពាក់ព័ន្ធនឹងបទល្មើសព្រហ្មទណ្ឌណាមួយទេ ប៉ុន្តែរដ្ឋនឹងបន្តធ្វើទំនើបកម្មស្ថាប័នរបស់ខ្លួន ហើយភាពបរិសុទ្ធក្នុងការងារនៃរចនាសម្ព័ន្ធរបស់រដ្ឋត្រូវតែធានាឱ្យបាន"។ ដោយឡែក រដ្ឋមន្ត្រីការពារជាតិអ៊ុយក្រែនបាននិយាយកាលពីថ្ងៃព្រហស្បតិ៍ថា មន្ត្រីរាប់រយនាក់នៅក្រសួង ឬនៅក្នុងកងកម្លាំងប្រដាប់អាវុធត្រូវបានដាក់ពិន័យកាលពីឆ្នាំមុន បន្ទាប់ពីមានការធ្វើសវនកម្មផ្ទៃក្នុង ហើយបាននិយាយថាលោកគ្មានការអត់ឱនណាមួយចំពោះអំពើពុករលួយឡើយ៕



ព័ត៌មានជាច្រើនទៀតសម្រាប់អ្នក